No er russetida over

Hei.
Eg gjekk ikkje i russetoget.
Eg åt god mat i Stavanger.
Eg har vore med kule menneske i dag.
Ein av dei er spesielt kul.
Dette er ikkje eit modernistisk eller postmodernistisk dikt altså.

Har du sett katten min?

Koala out.

Nest siste dag i russetida!

Hei, vakre menneske.

No er det så å seie kvelden før kvelden (eller dagen?). Sekstande mai. Ein festdag for heile Noreg, og ikkje minst russen. Kva gjer eg i dag? Jau, frå eg kom heim frå skulen har eg sove nokre timar, og no hadde eg ein halvvegs plan om å dra til Sørnes kyrkje. Der vert det konsert med nokre kor og så skal Ole Børud i eigen person ha konsert, og dessutan skal Morten Eikli ha tale. Om du veit kven dei er treng eg eigentleg ikkje seie meir. Om du ikkje veit kven dei er kan du google dei. Eg tykkjer i alle fall det er kult at eg har ein moglegheit til å få med meg begge deler på eit og same arrangement. Problemet er berre at eg som sagt har sove ei stund. Så sidan eg er treig med lappen og slikt så kjem eg meg ikkje ut dit i tide. Dessutan er eg litt tung i hovudet, så eg veit ikkje kor lurt det er uansett. Kjem nok eit innlegg seinare om korleis kvelden faktisk vart.

Her var eg tidlegare i år. Øydelagd stol.

No vil eg fortelje noko anna. I går var eg så fokusert på eksamen og slikt at eg gløymde å fortelje om knuten vi tok! Eg var med ein haug andre og overnatta i skulegarden, nærare bestemt rektorhagen på Kongsgård, frå tysdag til onsdag. Det var verkeleg koseleg. Vi grilla og sat oppe til langt på natt. Trur aldri Stavanger by har sett så fin ut som langt ut på natta midt i veka. Vi hadde opphaldsver og grei temperatur, og eg sov faktisk i 4 timar. Hadde nok sove lenger om eg berre hadde hugsa å skru av alarmen klokka halv sju. Pokker. Etter det har eg vore ganske trøytt og søvnig, både i går og i dag, så det var ikkje utan grunn at eg sovna etter skulen i dag.

Som nemnt kjem det nok eit til innlegg i dag, og kanskje eit frå Hanne anten i dag eller i morgon. Ho skal nemleg på fest i kveld.

Koala out! 

15. mai

Kjære alle saman.

I dag er ein tung dag. Vi fekk vete trekkfaga til skriftleg eksamen i dag. Eg kom sjølvsagt opp i nynorsk, altså hovudmål, men det er jo ikkje trekkfag så det er ikkje interessant. Dette er ei liste over kor lite lyst eg har til å kome opp i dei moglege faga. 1 er «skyt meg no», 2 er «du må nok skyte meg når eg kjem ut døra etter eksamen», 3 er «du må kanskje skyte meg når eg får karakteren min» og 4 er «YAY!»

1. Fysikk
2. Matematikk
3. Kjemi
4. Sidemål (bokmål)

Trekkfaga mine vart kjemi og matematikk. Difor er eg altså ikkje skoten endå. Min første eksamen er på tysdag, det er matematikken, men i staden for å øve (ettersom det vert lite tid til det i helga) sit eg no og jobbar med historieinnleveringa som eg skulle ha levert på måndag. Jaja, eg kjem nok i mål med alt til slutt. Om eg ikkje får 6 på alt så er det faktisk ikkje heilt krise heller.

Vart såpass trist at eg tok webkamerabilete denne gong òg.

Fortvil ikkje! Det kjem blogginnlegg på dei to resterande dagane i russetida òg, men vi har eit spørsmål som det hadde vore kult om de ville svare på. Skal vi fortsette å blogge når russetida er slutt? Det vert eit par små endringar i så fall, til dømes bloggnamnet (independant koalaruss). Vi lovar heller ikkje at det vert nye innlegg kvar dag, og det kan hende at sumarferien vert meir eller mindre inaktiv. Vi kjem nok sterkare tilbake til hausten i så fall, fordi då skal vi på folkehøgskule! Vert glad for eit enkelt ja eller nei i kommentarfeltet på dette innlegget. 

Koala out.

Baking er ikkje til å spøke med

God kveld

I dag har eg faktisk brukt ettermiddagen på å jobbe med historieinnleveringa mi, tru det eller ei. Eg skriv om Martin Luther King jr. Det er eigentleg ikkje så stress. Det er eigentleg ikkje så interessant for dykk å lese om at eg jobbar med skulearbeid, difor skal eg nå fokusere på cupcakes! Fordi eg bakte jo cupcakes igjen i går. Denne gong brukte eg frosting med kremost i staden for smørkremen eg brukte som frosting sist. Hadde òg vaniljeessens i den rosa frostingen, og i den kvite. I den brune er det kakao. Som ein kan sjå på bileta har eg brukt rosa prinsessestrøssel i tillegg til sølvkuler. Det vart kjempegodt, men heilt sjukt søtt denne gongen òg. I tillegg laga eg nokre med berre fondant på. Festa fondanten med litt melis og så brukte eg ei tube med raud pyntegelé til å lime fast nokre sølvkuler og hjartestrøssel. Vart ganske nøgd med tanke på kor ekstremt lite kreativ og kunstnarisk eg eigentleg er. Hugs at dette berre er tredje gong eg lagar cupcakes, og første gong eg brukar noko anna enn smørkrem oppå dei. Eg er heller ikkje den beste fotografen i verda, det er eg klar over. Her er uansett nokre bilete.

Mykje melis på den raude fondanten...

No skal eg over til noko anna. Som dei fleste nok veit, eller i alle fall burde vite, så er ikkje baking heilt utan risiko. Spesielt ikkje når mixmasteren er øydelagd, og ein må «røre smør og sukker kvitt» heilt sjølv. Her er det mykje som kan gå galt. Ein kan risikere å søle og sprute ein haug med smør, ikkje at det i seg sjølv er farleg, men om ein får smørdropar i auga er det kjipt. Bruk alltid vernebriller når du bakar. Ein annan ting som kan skje er at rørereiskapen kjem ut av kontroll. Då kan du risikere å slå deg sjølv eller andre på ymse stadar. Difor vil eg òg anbefale alle å ha på seg hjelm, skotsikker vest (redningsvest eller sikkerhetsvest til riding kan òg fungere greitt) og eventuell anna sikring slik at du ikkje får alvorlege skadar.

Det at baking kan føre til alvorlege skadar har eg lært av eigen erfaring. Når eg skulle bake cupcakes fann eg ut nettopp det at mixmasteren var øydelagd, og då måtte eg altså «røre smør og sukker kvitt» heilt sjølv. Eg nytta ein rørereiskap forma som ein gaffel med tre taggar. Rørereiskapen var laga av tre. De veit kanskje eller kanskje ikkje kva eg snakkar om. Uansett, eg rørte og eg rørte og det vart sakte men sikkert kvitare. Eg kjende eit visst ubehag i handa, men brydde meg ikkje. Til slutt vart det så ille at eg ikkje klarte å halde godt om rørereiskapen skikkelig lenger. Eg mista heldigvis ikkje kontroll over rørereiskapen, og eg fekk heldigvis ikkje smørdropar i auga, men det skjedde noko mykje verre. To blemmer kom til syne inne i handa mi. Difor vil eg òg legge til at om ein skal røre fort og kraftig for hand så må ein bruke solide hanskar.

Ganske sjukt.

Koala out

Eg er i live

Kjære alle saman.

No har eg vore ganske inaktiv her på bloggen i nokre dagar, og då vil de vel ha ei forklaring på det. Den forklaringa er at eg har hatt ting å gjere på i helga, tru det eller ei. Hanne har jo blogga dei to dagane det er snakk om, så det er vel ikkje så stress.

Eit av dei mange fine bileta eg har av Hanne.
Dette er ikkje frå klassefesten, det er berre eit fint bilete av Hanne.

På laurdag sov eg lenge, før eg tok toget til gokk. Eg lærte at i gokk finst det kule menneske og god mat. Nam. Tidlegare på dagen såg eg eit par episodar Doctor Who. Eg vil ikkje gå for fort gjennom episodane fordi eg likar den tiande doctor’en, saknar den niande doctor’en og IKKJE VIL MØTE DEN ELLEVTE DOCTOR’EN ENDÅ. Doctor Who er kult. Eg liiikaaar.

Sundag var som vanleg ein keisam dag. Eg tenkte å bruke største del av dagen til å jobbe med ei historieinnlevering som skal leverast denne veka. Eg starta aldri på den, så det må eg vel gjere i dag. Likevel er eg dum nok til å tenkje at når eg er ferdig med dette innlegget skal eg bake cupcakes. Eg har nemlig kjøpt nye søte muffinsformer, søtt rosa prinsessestrøssel og fondant, samt ingrediensar til cupcakes og frosting. Seinare kjem det nok bilete av desse òg, om dei vert fine sjølvsagt.

Koala Out.

Yolo

Gjennom innleggene som har blitt lagt ut på bloggen kan det kanskje virke som om jeg er litt kjedelig(eller lite yolo, som ungdommen sier). Jeg skal i dette innlegget forsikre dere om at dette er feil. Med tanke på at vi som bloggere har et ansvar overfor leserne våre om å være gode forbilder, kan jeg dessverre ikke dele mine aller mest yolo øyeblikk. Det blir likevel kanskje litt mye for noen, så hvis du er lett påvirkelig anbefaler jeg å slutte lesingen nå.

Yolo1

Yolo2. Klokken 2 på natten. 

Yolo3. Meg i Dubai.

Tror vi sier at det var nok yolo for idag.

God natt!

Preikestolen

I dag gikk Julia og jeg til Preikestolen i russebukse. Wihu. Det ble overraskende nok en veldig fin tur, hvor vi slapp unna det verste været. Da vi kom på toppen var det til og med litt sol:

Dette er meg. Det blåste. 

Dette er Julia. Glemte å spørre om jeg kunne legge ut bilde av henne, så  måtte sensurere litt.

Koala ut.