Dag 1 på russetreff

God dag, kjære lesarar. Fredag har vore ein flott dag. Sol på himmelen og rusetreff med over 700 russ, og det er akkurat passe mange russ. Etter å ha registrert meg (som innebar særs lite venting fordi køen ikkje var lang) starta treffet med eit opningsmøte. Fantastisk lovsong, bra tale og dritbra samling medruss! Vidare utover kvelden var det konsertar, og den einaste eg deltok på var Humming People sin. Dei er fantastiske. Dei signerte russebuksa mi. Høgdepunkta for kvelden var faktisk både konserten og møtet. Kan du tru det?

Joakim Hansen. Han er veldig kul.

Christer Slaaen. Han er veldig kul.

Både Christer Slaaen og Joakim Hansen på eitt bilete. Dei er veldig veldig kule.

(Orsak for overdose av sekstagga stjerner. Det er dette som skjer når du er for lat til å ta av filteret under ein konsert)

Eg har forstått det slik at det er interessant med bilete av mat på bloggar. Eg tok ikkje bilete av maten min i kveld, men eg kan fortelje dykk at eg åt ei baconpølse på veg til Kragerø, og eit pizzastykke her i Kragerø. Det smakte godt. Elles tykkjer eg det er ganske kult at det faktisk er ein grønrussbil her. Det har eg aldri sett før, så det var stilig. Eg skal sove to netter på eit tynt liggeunderlag inne i ein idrettshall. Eg søv faktisk ganske bra på den måten, tru det eller ei.

No har eg kome med mykje nyttig informasjon til våre kjære lesarar. Sit du endå med spørsmål om korleis det er å vere på russetreff? Korleis ein skal pakke og kva ein må hugse på, kanskje? Fortvil ikkje, det kjem eit innlegg om både laurdag og sundag òg.

Koala out!